EMPRENDEMENTO XUVENIL
DESCRICIÓN
Con este programa que se desenvolve de forma conxunta entre os Concellos de Vedra, Boqueixón e Vila de Cruces buscamos dar resposta á realidade do territorio, onde nos atopamos un número importante de xóvenes que nin estudian nin traballan, e na que a taxa de desemprego xuvenil acada o 20 %.
Así mesmo, un dos problemas máis importantes é a sostibilidade futura destes concellos rurais, condicionada polo éxodo da xuventude, que entre as principais razóns de alonxarse do seu marco local atópanse na educación e nas mellores perspectivas de emprego.
Polo tanto, consideramos necesario identificar e desenvolver accións innovadoras coa finalidade de dotar á mocidade de mecanismos e apoios adecuados que faciliten a súa incorporación ao mundo laboral e que activen as súas capacidades de emprendemento e desenvolvemento profesional, beneficiándose dos privilexios desta zona rural para xerar emprego.
As persoas destinatarias deste programa son os xóvenes de entre os 12 e 35 anos.
Proxectos:
DESCÚBRETE:
Obradoiros dirixidos a estudantes que cursan secundaria (ESO). Impartíronse nos centros educativos.
Temáticas: Habilidades sociais (empatía, asertividade, comunicación), presión de grupo e influencias sociais, autoconcepto...
CONÉCETE:
Obradoiros dirixidos a xóvenes de entre os 16 e 18 anos, impartidos nos campamentos e na escola de verán.
Temáticas: Habilidades sociais, educación emocional, proxecto persoal...
ACTÍVATE:
Accións formativas dirixidas a xóvenes de entre os 18 e 35 anos
Duración: 50 horas;
Temáticas:
1. Identidade e marca persoal: autocoñecemento, automotivación e autocontrol, competencias sociais e comunicativas.
2. Posicionamento da miña marca: perfil persoal, o éxito no proceso de selección.
3. Ecosistema emprendedor: emprendedor-emprendemento.
REINICIATE:
- Curso de Educación Emocional.
- Curso de Coaching.
- Curso de Oratoria.
FÓRMATE:
Formacións especializadas para potenciais xacementos de emprego.
Curso de Recursos de Educación Ambiental.
Curso de monitor/a de piragüismo.
Curso de Desfibrilador Semiautomático.
Curso de Animación Infantil.
Curso de Deseño e Impresión en 3D.
Curso de Videocreación.
OBXECTIVOS
Promover entre a xuventude de Boqueixón, Vedra e Vila de Cruces a adquisición das competencias necesarias para acadar un desenvolvemento persoal, social e profesional adaptado á súa contorna, ás súas necesidades e intereses e ás demandas do mercado laboral actual, co fin último de acadar o éxito na consecución dun posto de traballo (por conta propia ou allea).
Dinamizar canles de comunicación-información entre a xuventude do territorio a través das Oficinas Municipais de Información Xuvenil.
Fomentar o autocoñecemento, sendo conscientes das calidades e fortalezas persoais innatas, ademáis de adquirir e desenvolver novas habilidades para o crecemento persoal individual.
Adquirir competencias (coñecementos, habilidades e activitudes) necesarias para a busca de emprego.
Desenvolver as competencias básicas necesarias para emprender e conseguir o espírito emprendedor mediante a diversidade de ferramentas.
Acompañar de forma personalizada, atendendo ás necesidades e intereses dos participantes en función da súa situación particular.
Realizar formación específica sobre os potenciais xacementos de emprego do territorio.
METODOLOXÍA
A metodoloxía para desenvolver este programa de dinamización xuvenil basease na educación non formal e na formación como pilares fundamentais para a mocidade.
Ponse en práctica a través dunha metodoloxía participativa, tratando de implicar á mocidade do territorio. Para iso crearanse sinerxias entre a xuventude dos 3 concellos; antes, durante e despois do remate da acción.
As características do programa, sobre todo o relacionado coa parte de emprendemento xa o fornece cun alto compoñente educativo, de implicación persoal e de participación colectiva.