CAMPO DE TRABALLO DE VEDRA
DESCRICIÓN DO PROXECTO (2017)
O proxecto de campo de traballo que estamos a presentar consistiu en desenvolver por unha banda unha intervención de recuperación patrimonial no tramo do Camiño Xacobeo Miñoto - Ribeiro ao seu paso polo Concello de Vedra, e actividades de intervención social. Ademáis realizáronse actividades recreativas, deportivas e turístico-culturais.
Desenvolveuse entre o 5 e o 16 de xullo de 2017 en Vedra.
Participaron un grupo de 20 xóvenes de entre os 18 e 30 anos de diferentes países como: Francia, Rusia, Portugal, República Checa e de comunidades españolas como: Valencia, Murcia, País Vasco, Ceuta e Galicia...
As actividades de traballo foron:
Investigación-recollida de campo sobre o trazado do Camiño Xacobeo Miñoto- Ribeiro ó seu paso polo Concello de Vedra.
Elaboración de cartelería en madeira para a sinalización deste tramo de Camiño de Santiago.
Accións de difusión: elaboración de mapa-folleto informativo en varios idiomas, audiovisual, Xornada de divulgación do Camiño Xacobeo Miñoto-Ribeiro para a veciñanza e organización dunha andaina-peregrinaxe.
Desenvolvemento de actividades socioculturais con nenos/as na Ludoteca Municipal e no Acamparte.
Desenvolvemento de actividades interxeracionais con persoas maiores.
Como reflexión final partimos de que unha actividade deste tipo é un traballo de servizo a unha comunidade, por iso, propúxose a creación dun grupo de traballo cunha oferta autoxestionada do seu ocio como un xeito de ocupar un tempo na formación persoal, a través da convinación de traballo e ocio. Ademáis isto permitiu a formación dos xóvenes a través do ambiente a convivencia e o intercambio de experiencias tanto das persoas que forman o equipo como dos participantes. Tamén se creou un intercambio cultural e xeracional do entorno, proporcionando un espazo de utilidade, educativa e de esparcemento.
O proxecto de Campo de Traballo que se presenta non aparece de xeito illado, senón que proxéctase a anos vista, no marco dun programa de Campos de Traballo que puxo en funcionamento o Concello de Vedra en colaboración coa Dirección Xeral de Xuventude, Participación e Voluntariado da Xunta de Galicia.
OBXECTIVOS
Desenvolver actividades de intervención patrimonial e social no Concello de Vedra, a través da acción voluntaria.
Promover o desenvolvemento do Camiño Xacobeo Miñoto-Ribeiro
Dinamizar o territorio a través de accións socioculturais dirixidas a nenos/as e persoas maiores.
Potenciar o traballo en grupo como eixo básico para o bo funcionamento do campo de traballo.
Posibilitar a convivencia e o intercambio de experiencias entre xóvenes de diferentes procedencias.
Favorecer as situacións e actividades lúdico festivas, culturais e etnográficas no entorno onde se atopan, potenciando a interacción dos participantes coa poboación local, a través das actividades propias do campo.
METODOLOXÍA
Os diferentes traballos e obradoiros, foron totalmente prácticos, sendo abertos á participación e fomentando o intercambio de experiencias entre os participantes, e entre estes e mailos veciños/as da zona a través das actividades complementarias.
A metodoloxía utilizada neste proxecto tivo como referencia a animación sociocultural e o desenvolvemento comunitario: participación, dinamización grupal, cooperación, coeducación, compromiso.
O eixo principal foi a convivencia que a través do centro de interese "Alberga Maxia" foi construindo o "Kit" do peregrino/a.